Yelp-ийн дүгнэлтийн 20% нь хуурамч

Зарим хүмүүс Yelp-ийн гаргасан дүгнэлтийг (review) уншаад хэр их нь хуурамч бол гэж боддог байх. MarketWatch-ын мэдээлж байгаагаар бол 20% нь хуурамч дүгнэлт байдаг бөгөөд эдгээр дүгнэлтийг Филиппин, Бангладеш, Зүүн Европын улсуудаас бичдэг бөгөөд бичсэн дүгнэлт бүрдээ 1-10$ авдаг байжээ. 

Нью Йоркын ерөнхий прокурор Eric Schneiderman бүтэн жилийн "Operation Clear Turf" нэртэй мөрдлөгийн ажиллагаа хийж хуурамч дүгнэлт бичдэг 19 байгууллагыг хуурамч үйл ажиллагаагаа зогсоохыг шаардсан байна. Мөн хуурамч сурталчилгаа явуулсан учраас тухайн байгууллагууд 350000$-ын тогууль төлөхөөр болжээ.

Yelp-ын дүрэмд мөнгө төлж хуурамч дүгнэлт гаргахыг хориглоно гэж заасан байдаг ч энэ байдал улам муудсан байна. 2006 онд хийсэн судалгаагаар дүгнэлтүүдийн 5% нь хуурамч байдаг байсан байна.

Энэ байдал нь зах зээлийн хүнд өрсөлдөөн дунд байгууллагууд энгийн ёс зүйн асуудлыг хойноо тавиж байгаагийн илрэл юм.

Эх сурвалж: bgr.com