Google Орчуулагч Монгол Хэлийг Багтаажээ (update)

Юуны өмнө энэ мэдээг уншиж байгаа танд баяр хүргэе! Google Translate үйлчилгээ нь дэлхийн түгээмэл хэлүүдийг хооронд хөрвүүлэх зорилготой орчуулгын систем юм. Уг систем нь анх 2003 оноос үүдэлтэй ба латин хэлнээс салбарласан хэдэн хэлийг хооронд нь хөрвүүлдэг байжээ. Харин 2007 оноос хойш дорно дахины хэлийг нэвтрүүлэх болсоноор дэлхийн нийтийн хэрэглээнд өргөн нэвтэрсэн юм.

Хэдэн сарын өмнөөс Google Оруулагч монгол хэлийг туршиж үзэж байсаныг зарим уншигчид маань мэдэх байх. Гэтэл монгол хэлийг албан ёсоор translate.google.mn үйлчилгээнд оруулсан байна.

Ангилаас Монгол уруу тун муугүй орчуулж байна. гэхдээ үгийн сонголт болон дагавар зэргийн сонголт муу байгааг харж болно.

Монголоос Англи уруу мөн давгүй орчуулж байна. гэхдээ энд богино өгүүлбэр оруулж үзсэнийг хараарай. Дээр нь нэмж хэлэхэд Түвшинбаяр гэж оруулахад Найдан гэж гарсан байна.

Google Оруулагч систем нь үгийн сонголт зэрэг засваруудыг оруулж өгсөн байдаг нь алдаанаасаа суралцаж, цаашдаа сайжрах хиймэл оюуны системтэй юм.

Та уг хаягаар орж туршаад үзээрэй! Орчуулга хийнэ гэдэг чамгүй хүнд хөдөлмөр учраас өнөө үед хамгийн хэрэгтэй хэрэгсэл ч байж магадгүй.

Update:

Google орчуулагч маань зарим хүнд болоод зарим хүмүүст болохгүй байгаа бололтой. Миний хувьд ч гэсэн ultrasurf мэт proxy ашиглан ороход болж байгаа хэрнээ, ашиглаагүй үед орохгүй байв.

Тэгэхээр үүний учрыг ISP буюу манай интернет үйлчилгээ үзүүлэгч компаниудаас хамаарч байна гэж бодлоо. Миний ажигласнаар Gemnet, G-Mobile, Micom болохгүй байна. Харин Mobicom, Mobinet болж байна. Бусдыг нь нарийн шалгаж үзэх боломж одоогоор алга.

Тэгэхээр хэрэв танд монгол хэлний сонголт гарахгүй байгаа бол өөр интернетийг туршаад үзээрэй. Жишээ нь Mobicom болж байна:

Хэрэв та Mobicom эсвэл Unitel, Skytel-ийн аль нэг дугаар барьдаг бол утасаар ороод үз. Аль нэг нь зайлшгүй болох ёстой.

Учир нь манай ISP компаниуд өөр өөр эх үүсвэрээс интернет авдаг болохоор тухайн эх үүсвэрийн серверт google орчуулагч үйлчилгээ маань бүрэн ороогүй байж болно. 

Дашрамд хэлэхэд дээр байгаа “хурдан хүрэн үнэг...” гэсэн өгүүлбэр дээр орчуулга буруу болсон үед засах сонголтууд гарч ирснийг анзаарсан байх. Та ямар нэгэн орчуулга хийх болгондоо энэ засварыг ашиглаж байгаарай. Хэрэв зөв сонголт гарч ирэхгүй бол дээр нь засаад бичиж болно. Ингэж засаж байгаагийн учир нь Google Translate нь AI буюу хиймэл оюуны систем учраас байнга суралцаж алдаагаа засаж байдаг. Тэгэхээр засах бүр орчуулга маань сайжирна гэсэн үг.

Update:

Одоо Gemnet, Micom болж байна. Магадгүй Google серверээ шинэчилж байгаа бололтой.