Apple компанийн удирдах зөвлөл Tim Cook-ын удирдлага доор шинэ бүтээгдэхүүн гаргах хурданд санаа зовж байна.

Apple компани нь шинэ хувьсал гаргах гэсэн үгтэй адил байж ирсэнч 2010 онд гарсан анхны iPad-аас хойш тоглоомын дүрмийг өөрчлөх шинэ бүтээгдэхүүн гарахгүй байгаа нь удирдах зөвлөлийн санааг зовоож эхэлжээ.

Fox Business Network-ийн сурвалжлагч Charlie Gasparino-гийн гаргасан шинэ мэдээгээр Apple-ын төлөөлөн удирдах зөвлөл дараагийн шинэ шинэчлэл гаргасан бүтээгдэхүүн хурдан гаргахыг хүсэж байгаа нь гүйцэтгэх захирал Tim Cook-д илүү их шахалт болж байна.

Gasparino-гийн мэдээлж байгаагаар Steve Jobs-ын үед гарсан шинэ бүтээлүүд болох iPod, iPhone болон iPad тухайн үедээ шинэчлэл гаргаж байсан бол дараагийн Tim Cook-ын үед шинэ бүтээлүүд гарах хурд удаан байгаад төлөөлөн удирдах зөвлөлийн гишүүд санаа зовниж байгаа гэнэ.

Тэрээр хэлэхдээ: “Тэд ойр юу гаргасан юм бэ? Тэдэнд iPad болон өөр хэдэн зүйл байна гэхдээ Steve Jobs-ийн гаргаснаас оор шинэлэг бүтээл байхгүй байна. Энэ байдал Tim Cook-д шинэ бүтээл гаргах шахалт улам их болж байна мөн шинэлэг зүйл маш шуурхай хийх хэрэгтэй болж байна.” Мөн Gasparino нэмж хэлэхдээ энэ нь Cook-ын ажилд аюул болох түвшинд хүрээгүй байгаа гэжээ.

Cook цагтай уралдаж байна уу?

Cook хэд хэдэн удаа Apple iWatch болон Apple iTV гаргах сэжүүр өгсөнч эдгээр нь энэ жилдээ гарах шинжгүй байна.

Cook өөрөө хэлэхдээ шинэ бүтээгдэхүүнүүд энэ жилдээ гарна гэж хэлсэн нь 9 сарын 10-нд болох iPhone-ныг гаргах үйл ажиллагааг хэлж байсан байх ч энэхүү үйл ажиллагаанд шинэ бүтээгдэхүүн биш одоо байгаа бүтээгдэхүүнүүдийн шинэчилсэн загварууд л гаргах бараг тодорхой юм.

Steve Jobs өөрийн өвчинтэй тэмцэхийн тулд ажлаа өгснөөс хойш Apple шинэ хувьсал гаргасан бүтээгдэхүүн гаргаж үргэлж түрүүнд байдаг гэх сэтгэгдэл байхгүй болсон.

Бусад компаниуд болох Samsung, Microsoft, Google гүйцэхээр маш их хүчтэйгээр ажиллаж байхад Apple шинийг санаачлах сэтгэл ойрын хэдэн жил буурсан бололтой.

Apple энэ байдлыг дотроо хүртэл мэдэж байгаа бололтой. Учир нь энэ жил болсон WWDC дээр маркетингийн дарга Phil Schiller шинэ цилиндр хэлбэртэй Mac Pro-г танилцуулахдаа “Үүнээс илүү шинэлэг санаа байхгүй” гэж хэлсэн байдаг.

Apple биднийг дахин гайхшруулж чадах бүтээл гаргах чадвартай хэвээр үлдсэн болов уу? Эсвэл Tim Cook-ийг Steve Jobs-тай харьцуулж байгаа улам их болж Tim Cook дээр ирэх шахалт өссөөр л байх болов уу?

Эх сурвалж: techradar.com