Apple
болон Android-ын хувийн туслагчтай өрсөлдөхийн
тулд Microsoft өөрийн TellMe-гийн сайжруулсан
хувилбар болох Cortana (туршилтын үеийн
нэр) дээр ажиллаж байна.
Хэрвээ
та Cortana гэдэг нэрийг сонсоод шууд танихгүй
бол Xbox-ын удирдлаган дээр гараа тавиж
үзээгүй хүмүүсийн нэг байх. Halo серийн
тоглоомын гол дүрийн туслагч нь Cortana
гэх хиймэл оюун ухаан юм. Тоглоомын
явцаж гол дүр Cortana-г өөрийн хувийн
туслахаар (хүмүүсийн Apple-ын Siri-г ашигладаг
шиг) ашиглах бөгөөд Cortana түүнд шаардлага
бүх зүйлсийг хэлж өгдөг байна.
Microsoft
эцсийн хувилбар дээрээ Cortana нэрийг
үлдээвэл Windows Phone-ны хэрэглэгчид өөрсдийн
Cortana-гаас аливаа зүйлийг лавлах боломжтой
болох юм.
Үүний
ард ажиллах технологийн хувьд Microsoft-ын
2007 онд худалдаж авсан TellMe үйлчилгээ,
олон жил удаан ажиллаж маш их мэдээлэл
цуглуулсан Bing Satori юм. Харин одоогийн
Windows Phone төрлийн утас дээр байгаа Bing
Voice нь Google Now болон Siri-гийн түвшинд
хүрээгүй байгаа хэдий ч бас ч муулахааргүй
сайн технологи юм.
Microsoft-ын
хуучны мэдэгдлээс үзэхэд тэд энэ салбар
дээр хувьсгал хийх зүйл гаргасан үедээ
л шинэ үйлчилгээгээ танилцуулна гэсэн
бөгөөд харин WPCentral-ын үзэж байгаагаар
2014 онд тэд энэ шинэ зүйлээ танилцуулж
магадгүй юм.
Halo
серийн тоглоом нь хойд Америкт маш их
алдартай бөгөөд зөвхөн Xbox дээр байдаг
учраас хэрэглэгчдийн Xbox авах шалтгаан
нь ч болдог гэхэд буруутахгүй юм. Мөн
Halo тоглоомч маш олон тооны шүтэн
бишрэгчтэй байдаг юм.
Ийнхүү
Microsoft тоглоомын салбарт олсон нэр хүндээ
мобайл салбараа сайжруулахын тулд
ашиглаж байна.
Эх
сурвалж: geek.com
0 comments:
Post a Comment