1985 онд гайхалтай байсан төхөөрөмжүүд

Техник технологи өдөр бүр сайжирсаар л өнөөдрийн технологи маргааш болоход хуучирсан байдаг. Одоо харин 1985 онд ямар техник технологи гайхалтайд тооцогдож байсныг үзье.

1. Polaroid 600

Зургаа аваад шууд буулгадаг зургийн аппаратууд 80-аад онд хүчээ авч байсан. Зураг бэлэн болоход 3 минут орчим байдаг байв. Зургийн аппарат нь маш том мөн хүнд жинтэй байдаг байсан хэдий ч үүний талаар төдийлөн боддоггүй байв.

2. Анхны Macintosh

Орчин үеийн компьютерын эхлэл болсон. Тухайн үедээ дизайны хувьд маш сайн мөн хэрэглэгчид хэрэглэж сурахад маш амархан гэж магтаал хүртдэг байв. Macintosh нь анх 128K санах ойтой байсан байна мөн Mouse болон Icon-нуудыг ашиглах боломж олгосон нь тухайн үедээ хувьсгал гаргаж чадсан байна.

3. Commodore 128

Энэ нь CBM-ын гаргасан сүүлийн 8 bit-ын төхөөрөмж юм. Өмнөх хувилбаруудаасаа бага зарагдсан ч хамгийн гол шинэлэг санаа нь түүний keyboard буюу гар байжээ.

4. Sony Discman D-50 MK2

1984 онд анх гарсан бөгөөд дууны зах зээлд дискийг оруулж өгсөн. Гэхдээ үүнийг авч явж байхдаа хурдан хөдлөөд хэрэггүй шүү. Учир их хөдөлгөөнтэй тохиолдолд хэвийн ажиллах чадваргүй юм.

5. Casio SK-1 Keyboard

Тухайн үед Casio SK-1 нь маш олон гэрт байдаг байв. Учир нь үнийн хувьд боломжийн микрофонтой мөн зөөж явахад маш амар байжээ.

6. Fuji ES-1

Энэхүү зургийн аппарат нь 640x480px хэмжээ бүхий зургийг авах чадвартай байсан ба мөн авсан зургаа ч 3.5 инчийн floppy диск дээр тухайн үед гараад байсан шинэ тоон формат болох JPEG форматаар хадгалах боломж олгож байсан байна.

7. Amiga 1000

Commodore Amiga 1985 онд гарсан шинэ компьютер байсан бөгөөд өмнөх Commodore 64-тэй харилцуулахад маш их ахиц дэвшилтэй байжээ. Үүнд 512KB санах ой, мөн 4026 өнгийг зэрэг гаргах, стерио сувагтай байсан ба тухайн үеийнхээ хамгийн шилдгүүдийн нэг байсан ч харамсалтай нь сурталчилгаа сайн хийгдээгүйгээс олон нийтэд танигдаж чадаагүй байна. Харин 2006 оны PC world энэ нь хамгийн шилдэг 7 дахь PC гэж нэрлэсэн бөгөөд PC-ны ирээдүйн хөгжилт түлхэц өгсөн гэжээ.

8. Nintendo NES

Видео тоглоомын зах зээлийг 80-аад онд Nintendo NES тоглоомын систем эзэгнэж байжээ. NES гэдэг нь Nintendo Entertainment System гэсэн үг юм.

9. Nokia Mobira Talkman
   
   

Энэхүү утас нь гар утасны эхлэл гэж хэлж болох бөгөөд гар утас биш харин зөөврийн утас юм. Нийт жин нь 5 кг орчим бөгөөд сонирхолтой нь энэхүү утас нь хүмүүсийн дунд маш их нэр хүндтэй болжээ. Харин үүний дараа жинхэнэ гар утаснууд гарч эхэлсэн байна.

10. Apple LaserWriter

Лазер принтер 1969 оноос эхлэлтэй ч 1985 он хүртэл олон нийтэд дэлгэрээгүй байв. Харин Apple LaserWriter-аа анх гаргахад хүмүүс өөрсдийн хийсэн зүйлээ ч мөн буулгах боломжтой болсон юм. Тухайн үедээ бусад өрсөлдөгчдөөсөө илүү үнэтэй байсан ч бүх л лабораторын компьютерууд нэг л LaserWriter ашиглах боломжтой байсан учраас ихэд тархжээ.

11. Panasonic NV-F65 HQ VCR

Panasonic анх 1977 онд VHS-ыг тоглуулахын тулд өөрийн VCR тоглуулагчаа үйлдвэрлэж эхэлсэн бөгөөд японы VCR үйлдвэрлэж эхэлсэн анхны байгууллагуудын нэг юм. Ингээд хүссэн зүйлээ on-demand байдлаар буюу өөрийн хүссэн цагтаа үздэг байхаас өмнө VHS дээр бичлэг хийж үздэг байв. Харин тэр л үед энэ тоглуулагч нь нэрд гарч байжээ.

12. Windows 1.0

Windows 1.0 анх хэрэглэгчдэд GUI-г танилцуулсан бөгөөд ингэснээр хэрэглэгч CLI дээр команд бичиж компьютер дээр ажилладаг байсан үеэс гаргажээ. Мөн анх удаа multitask буюу олон зүйл зэрэг хийх боломжийг олгосон байна. Удалгүй дараагийн загварууд гарсан ч тэд 16 жилийн турш Windows 1.0-ыг ашиглалтаас гаргаагүй дэмжсээр байсан байна.

13. Texas Instruments TI 4100

Анх 1981 онд Texas Instruments TI 4100 зах зээлд гаргасан бөгөөд энэ нь анхны олон нийт ашиглах боломжтой GPS байсан байна. Энэхүү GPS нь ихдээ хэрэглэгчийг 10 метерийн зөрүүтэйгээр хаана байгааг хэлэх чадвартай байв.

14. Tissot F1 Electronic LCD Watch

Энэхүү бугуйн цаг нь тухайн үедээ хэрэглэгчдэд маш олон боломжуудыг олгож байжээ. Сэрүүлэг, цаг хэмжих тоолуур (timer), хронограф, цагийн бүсийн мэдээлэл болон календартай байв. Энэ бүтээл нь тухайн үеэ гүйцсэн байв.

Эх сурвалж: mashable.com