Gmail Түр Хугацаанд Унасанд Google Уучлалт Гуйжээ

1/27/2014
Өнгөрсөн баасан гариг буюу 1 сарын 24-ны өдөр хэрэглэгчид өөрсдийн Gmail, Google+, Calendar болон Documents үйлчилгээг 25 минутын турш ашиглах боломжгүй болсон байна. Түүнээс гадна зарим хэрэглэгчид үүнээс ч удаан хугацаанд тухайн үйлчилгээнүүдийг ашиглах боломжгүй болсон байна.

Бараг нэг цагийн турш 42 сая гаруй хэрэглэгчид өөрсдийн хүссэн үйлчилгээг авах боломжгүй болжээ.

Асуудлыг шийдсний дараа Google энэхүү үйл явдал болсонд хэрэглэгчдээсээ уучлалт гуйжээ. Мөн ирээдүйд ийм асуудал үүсвэл илүү хурдан шийдвэрлэж байх болно гэсэн байна.

Энэхүү асуудал нь тохиргоо болон програмын алдаанаас болсон бөгөөд 10.55 (PST цагийн бүсээр) гэхэд асуудал үүссэн бөгөөд 11.30 гэхэд асуудлыг бүрэн шийдэж дууссан байна.

Мөн дахин ийм асуудал үүсгэхгүйн тулд дотоод системээ илүү сайжруулахаа мөн Google-ээс мэдэгдсэн байна.

Эх сурвалж: techtimes.com

0 comments:

Post a Comment

 
Toggle Footer