Мак 30 Нас Хүрлээ

Mac -ийн хувьсал

1. Лиса

Аппел 1983 онд Apple Lisa нэртэй хамгийн анхны персонал компьютераа танилцуулж байсан. Уг компьютерыг хөгжүүлэхэд бүтэн гурван жил, 50 сая доллар зарцуулжээ. Стев Жобс уг компьютерыг охиныхоо нэрээ нэрлэсэн ба тухай үедээ 10,000 доллараар үнэлэгдэж байсан нь өнөөдрийнхөөр 25,000 доллар болно. Уг компьютер хэт өндөр үнээсээ болоод маш муу зарагдсан.

Лиса компьютер нь анхны бүрэн хэмжээний ширээний компьютер байсан боловч Мак-г бодвол арай өөр юм.

2. Макинтош XL

Лисагын худалдааг өсгөхийн тулд Аппел дизайныг өөрчилж Макинтош XL гэж нэрлээд 3,495 долларын үнэтэй гаргажээ.

3. Макинтош 128К

1984 онд танилцуулсан 128К загвар нь хамгийн анхны жинхэнэ Макинтош персонал компьютер юм. Үнэ нь 2,495 доллар байсан байна. 9 инч дэлгэцтэй, 128К шуурхай санах ойтой, “хэрэглэхэд хялбар” системтэй байсан нь эхнээсээ л Мак-г алдаршуулсан аж.

4. Макинтош 512К

128К гарсны дараахан 512К гарсан ба техник үзүүлэлтийн хувьд адилхан боловч 4 дахин их санах ойтой байв.

5. Макинтош Плас

1986 он болоход Макинтош Плас зах зээлд эрэлт ихтэй болсон байлаа. 1МБ санах ойтой, үнэ 2,599 доллар. Мөн өөртөө SCSI порттой болсон нь хэрэглэгчдэд нэмэлт хардвер холбох боломжыг олгосон юм.

6. Макинтош Портабле

1989 онд хамгийн анхны батарейгаар ажилдаг Мак бүтээгдэв. Тухай үедээ 16MHz үйлдэл боловсруулах буюу хамгийн хурданд тооцогдож байсан. Хэдийгээр хурдан байсан ч Портабле жин нь 7кг орчим жинтэй байсан ба борлуулалт маш муу байсан юм.

7. Повербүүк

Портаблийг бодвол илүү дээр болсон. Хоёрын жилийн дараа буюу 1991 онд гарсан уг компьютер нь Аппелийн анхны жинхэнэ зөөврийн компьютер болсон юм. Плофи диск тоглуулагч нь тусдаа салангид байсан. Ер нь бол энэ төрөл 2006 он хүртэл үйлдвэрлэгдсэн.

8. iMac

Энэ бол гайхамшиг. Стев Жобс Аппелд гүйцэтгэх захирлаар буцаж ирээд хэрэгжүүлсэн хамгийн анхны хамгийн том төсөл бол 1998 оны iMac байсан юм. Доторх нь нэвт харагддаг гоёмсог өнгөтэй iMac нь өмнөх загваруудаас тэс өөр болсон ба плофи дискийг халж харин USB портуудыг багтаасан байна.

9. iMac G4

iMac G4 нь технологи сонирхогчдыг загвараараа гайхшруулсан гэхэд болно. Нарийхан хүзүү нь дэлгэцийг хаа дуртай байрлалдаа хөдөлгөх боломж олгож байв. 2002 онд Стев Жобс G4-ийг танилцуулах үед үзэгчид бүгдээрээ дуу алдаж байсан санагдана.

10. МакБүүк

2006 онд Аппел шинэ МакБүүк танилцуулсан нь “iSight” камертай, гялгар LCD дэлгэцтэй, Магсеф соронзон тэжээлийн оролттой тун шинэлэг эд байв.

11. МакБүүк Айр

Аппел персонал компьютерын хөгжил чиг хандлагыг тодорхойлдог уламжлалаараа Air -ийг танилцуулсан нь орчин үеийн компьютерын дүр төрх болоод байна. Маш хөнгөн, авсаархан, маш нимгэн, илүү дутуу тоглуулагч байхгүй яг л хувийн компьютер бол Air байлаа. Жобс 2008 онд танилцуулснаас хойш үзүүлэлтийг нь сайжруулан өнөөг хүртэл үйлдвэрлэж байна.

12. iMac өнөөдөр

Өмнөх загваруудаа бодвол өргөн том, нимгэн дэлгэцтэй болсон ба хулгана, гар зэрэг нь утасгүйгээр холбогдсон. 27 инч загвар нь маш хурдан Intel процессортой, хатуу диск, флаш дискийг хослуулсан Fusion Drive дисктэй супер компьютер болсон.

Эх сурвалж: mashable